Anketa e Institutit për Hulumtime Politike – Shkup tregon se blloku opozitar shqiptar “Alternativa”, “Lëvizja Besa” dhe “Lëvizja Demokratike” kanë pothuajse rejting të barabaratë me BDI-në. 66 për qind e të anketuarëve vlerësojnë se zgjedhjet presidenciale dhe ato parlamentare duhet të mbahen bashkë vitin e ardhshëm.
Shumica dërmuese e të anketuarve apo 66.6% vlerësojnë se zgjedhjet presidenciale dhe parlamentare vitin e ardhshëm duhet të mbahen së bashku.
Nga IPIS, kanë thënë se për shkak të relevancës dhe paanshmërisë së hulumtimit janë marrë parasysh specifikat demografike të popullatës, gjinia, grupmoshat, shkalla e arsimimit dhe përkatësia etnike, me ndarje përkatëse sipas vendbanimit dhe njësisë zgjedhore.
IPIS thotë se hulumtimi është zbatuar për nevojat e këtij Instituti kurse aksioni është financuar nga mjetet vetanake të saj.
Hulumtimi i Institutit u realizua përmes linjës telefonike, nga 25 deri më 27 tetor në 1.055 të anketuar. Këto të dhëna i nënshtrohen gabimit statistikor prej plus/minus 3 për qind.