Sekretari i Përgjithshëm i Alternativës, Zeqirija Ibrahimi, ka kritikuar ashpër paraqitjen e gazetarëve nga Shqipëria e Kosova që ishin prezent të dielën në seancën e votimit të qeverisë teknike në Maqedoninë e Veriut. Ibrahimi tha se, ata janë shfrytëzuar në mënyrë shumë të ulët nga zv.kryeministri i RMV-së, Artan Grubi për të bërë propagandë për BDI-në.
“Të vije keq kur një Blendi Fevziu vjen këtu dhe degradohet në aso mënyre që të mos e dije se çfarë ndodh këtu por më duket që ky është një sihariq I mirë se këto janë fishekët e fundit që mundohet t’i shfrytëzoj Artan Grubi dhe makineria e tij “gabelsiane” e propagandës për shkak se s’ka mbetur asgjë tjetër vendore që të shfrytëzohet për të ndërtuar një narracion të fitores”, tha Zeqirija Ibrahimi në një intervistë për gazetën LAJM.