Lideri i Lëvizjes Demokratike Izet Mexhiti në Syri Tv sonte ka deklaruar se duke patur parasysh që komunat më të mëdha shqiptare, gjegjësisht tri qendrat shqiptare në RMV drejtohen nga opozita shqiptare, BDI është bërë parti periferike. Mexhiti në këtë drejtim përmendi Komunën e Çairit gjegjësisht Shkupin që drejtohet na Lëvizja Demokratike, Tetovën nga Besa e Gostivarin nga Aleanca për Shqiptarët.
“Prej tash mund të them se BDI e Ali Ahmetit është parti periferike nuk është më prezente në qendrat kryesore, duke pas parasysh se ju ka skaduar afati, duke patur parasysh se ndryshimi është i shëndetshëm për proceset demokratike edhe për shqiptarët, duke patur parasysh se prej 2016 shqiptarët votojnë për opozitë dhe për ndryshime, mendoj se kësaj radhe fitorja e opozitës shqiptare do të jetë e thellë”, ka thënë Mexhiti.