Pak ditë para zgjedhjeve për koalicionin VLEN ka ardhur një mbështetje nga SHBA-të.
Bëhet fjalë për filantropin dhe miliarderin dibran nga Nju Jorku, Selim Rusi i njohur si Sal Rusi, përcjell INA.
Ai është takuar me veprimtarin Ibrahim Kolari dhe bashkërisht kanë shprehur shpresën për “Ndryshim” më 8 maj, duke i dhënë mbështetje koalicionit VLEN.
“Era e Ndryshimit i kaloi Oqeanet! Ndryshimit që VLEN i bashkangjitet edhe bashkëqytetari jonë z.Selim Rusi. Diaspora,eshte Lokomotiva e Ndryshimit. VLEN!”, ka njoftuar biznesmeni dhe aktivisti dibran Ibrahim Kolari përmes një porosie në rrjetet sociale.
Selim Rusi i njohur si Sal Rusi është një nga biznesmenët e suksesshëm shqiptar në SHBA, lobues për çéshtjen shqiptare, bashkëfinancues i fushatave të kandidatëve për presidentë në SHBA, siç ishte fushata e Hillary Clinton. Takimet e veçanta me Donald Trump si president, por edhe lobues dhe mbështetës i shumë eventeve për çështjen shqiptare në diplomaci, kulturë dhe art. Ai është djali i veprimtarit Turan Rusi.(INA)