Pas shpërthimit fatal të nëndetëses Titan, ku humbën jetën 5 persona, Një miliarder nga Ohajo po planifikon të bëjë udhëtimin me një nëndetëse deri në rrënojat e Titanikut
Patrick Lahey, bashkëthemeluesi dhe CEO i Triton Submarines, i tha Wall Street Journal se një nga klientët e tij, investitori i pasurive të paluajtshme në Ohio, Larry Connor, e thirri atë disa ditë pas incidentit fatal dhe i kërkoi atij të krijonte një nëndetëse që mund të arrinte Titanikun.
“Ai më thirri dhe më tha, ‘E dini, ajo që duhet të bëjmë është të ndërtojmë një nënndetëse që mund të zhytet në [thellësitë e nivelit të Titanikut] dhe t’i tregojmë botës se Titan ishte një mashtrim’”, kujtoi Lahey.
Si rezultat, ai krijoi një anije me dy persona të quajtur Triton 4000/2 Abyssal Explorer. Sipas faqes së internetit, zhytësja “është projektuar” për udhëtime të përsëritura në oqean në një thellësi prej rreth 4,000 metrash, që është më shumë se thellësia 3,800 e Titanikut.
“Dua t’u tregoj njerëzve në mbarë botën se ndërsa oqeani është jashtëzakonisht i fuqishëm, ai mund të jetë i mrekullueshëm dhe i këndshëm” tha Connor për WSJ .