Marc Guiu, 17 vjeçari që bëri histori me Barcelonën
Adoleshenti i Barcelonës, Marc Guiu, jo vetëm që ia siguroi skuadrës së tij të dielën mbrëma të tri pikët, por ai gjithashtu e shkroi emrin e tij në librat e historisë së klubit.
17-vjeçari hyri si zëvendësues në përballjen me Athletic dhe iu deshën vetëm 30 sekonda për të kaluar skuadrën e tij në epërsi.
Në moshën prej vetëm 17 vjeç e 291 ditë, Guiu është lojtari më i ri që ka debutuar me një gol për Barcelonën në La Liga në shekullin e 21-të, sipas Opta.
Ishte një moment i jashtëzakonshëm për Guiu dhe Barcelonën pasi një tjetër produkt i La Masia bëri një ndikim të menjëhershëm në ekipin e parë.
Sulmuesi bashkohet me lojtarë si Alejandro Balde, Gavi, Lamine Yamal dhe Fermin Lopez për të parë veten në ekipin e parë këtë sezon.
Xavi zgjodhi ta ftonte Guiun për shkak të një krize dëmtimi që e ka lënë atë pa një numër lojtarësg lojtarësh kryesorë, përfshirë Robert Leëandoëski, dhe ai sigurisht e pa besimin e tij te adoleshenti të shpërblyer në maksimum.