Miliarderi zbulon klonin e tij me Al i cili ka aftësi të flasë në çdo gjuhë

Një miliarder teknologjk ka zbuluar klonin e tij me Al që ka aftësi të flasë çdo gjuhë.

Miliarderi Reid Hoffman i cili bashkëthemeloi Linekdln, ka krijuar një GPT të personalizuar dhe të trajnuar e që ka njohuri mbi librat, fjalimet dhe intervistat e tij.

Mbi të gjitha, modeli me Al është në gjendje të imitojë të folurit dhe sjelljet e Hoffman, si gjestet e duarve, shkruajnë mediat e huaja, përcjell Telegrafi.

Kloni i quajtur Reid Al përdor teknologjinë e falsifikimit të të folurit dhe videove. Ai është në gjendje të përmbledhë një libër 333 faqe në një fjali të vetme.

Për Hoffman, një binjak dixhital do të thotë se ai mund të largohet pak nga disa prej përgjegjësive të tij dhe të argëtohet.

“Unë nuk jam dembel, por të kem dikë që e kryen punën në vendin tim, do të thotë që unë mund të shkoj të argëtohem”, tha miliarderi.

Kjo gjithashtu do të thotë se biznesmeni mund të shkarkojë detyra në klonin e tij me AI për të cilat ai “nuk kishte pasur kohë”.