Mexhiti: Qeveria institucionalizon Marrëveshjen e Ohrit

Në prag të shënimit të përvjetorit të Marrëveshjes së Ohrit, zëvendëskryeministri i parë Izet Mexhiti thotë se pas devalvimit që BDI-ja i ka bërë shënimit të Marrëveshjes së Ohrit, Qeveria aktuale po e rikthen institucionalizimin e kësaj date të rëndësishme.

Mexhiti në një intervistë për Alsat i hedh poshtë akuzat e partisë së Ahmetit për shkurtim të buxhetit për shënimin e Marrëveshjes së Ohrit. Ai thekson se shpenzimet për manifestimin e kësaj date të rëndësishme do t’i mbulojë Qeveria, për dallim nga sipas tij BDI-ja që i ka harxhuar për dreka, darka dhe koncerte. Zëvendëskryeministri i parë, thotë se shqiptarët i kanë dhënë 22 vite kreut të BDI-së, por ai nuk arriti ta zbatojë Marrëveshjen e Ohrit./Alsat.mk