Mësohet se kush do të jetë “pensionisti” i tretë nga kombëtarja e Shqipërisë

Federata Shqiptare e Futbollit po bën të ditura pensionimet e futbollistëve. Sokol Cikalleshi dhe Klaus Gjasula ishin dy lojtarët që i dhanë fund aventurës me fanellën “kuqezi”.

Gazetari i “Sportekspres”, Klaudio Ndreca raporton se portieri, Etrit Berisha pritet të jetë i pensionuari i radhës. Berisha do të bëjë këtë për t’i lënë hapësirë lojtarëve të rinj në kombëtaren e Shqipërisë.

“Titi” nga Prishtina ishte në dy Europianët e fundit, atë të vitit 2016 dhe të vitit 2024 në Gjermani, duke dhënë një kontribut të madh për fanellën e shqiponjës.