Amazon njofton qindra punëtorë se i ka pushuar nga puna
Amazon ka njoftuar pushimin nga puna të qindra punëtorëve në Twitch, Prime Video dhe MGM.
Mbi 500 punonjës të Twitch, një e treta e fuqisë punëtore e transmetuesit, do të pushohen nga puna, ka njoftuar shefi ekzekutiv Dan Clancy.
Amazon tha se qindra punonjës në Prime Video dhe studio filmike MGM gjithashtu do të humbasin punën e tyre këtë javë, raporton BBC.
Vitin e kaluar, Amazon pushoi nga puna mbi 27 mijë punëtorë, pavarësisht se kompania kishte fitime të mëdha.
Sipas njoftimit të shefit Clancy, reduktimi i stafit po bëhet me qëllim që të ndërtohet një biznes më i qëndrueshëm.