Data e lëshimit të GTA 6 mund të shtyhet deri në vitin 2026?

Grand Theft Auto 6 është duke u bërë gati, por fansat që shpresojnë që ai të arrijë në kohë në vitin 2025 mund të zhgënjehen.

Kjo pasi që raportet e reja sugjerojnë se lëshimi i shumëpritur i Rockstar Games mund të “rrëshqasë” në një datë lansimi.

Bëhet fjalë për një shtyrje të mundshme deri në 2026 e cila mund të vije për shkak të vonesave në zhvillim, shkruajnë mediat e huaja, përcjell Telegrafi.

Raportohet se “personat e brendshëm me njohuri për zhvillimin e lojës” kanë thënë se ajo ka të ngjarë të dalë më vonë se sa pritej në vitin 2025, ose madje të shkojë deri në vitin 2026.

Si pasojë, Rockstar i paralajmëroi punonjësit, duke lëshuar një thirrje për punëtorët për t’i shtyrë ata të kthehen në zyrë për pesë ditë në javë në një përpjekje – sipas të tyre – për të ndaluar vonesat.

Punonjësit në kompani thuhet se që atëherë e kanë kritikuar atë vendim.