“Doner kebapi” sherr mes Turqisë dhe Gjermanisë

Gjermania dhe Turqia janë kapur për specialitetin tradicional turk i njohur si “doner kebap”, përcjell INA.

Mosmarrëveshja mbi specialitetin filloi në prill kur Turqia paraqiti një kërkesë për të regjistruar emrin “doner” si “specialitet tradicional i garantuar” në të gjithë Evropën, që do të thotë se etiketa mund të përdoret vetëm nga prodhuesit që ndjekin metoda të caktuara të prodhimit dhe specifikime për mishin nga i cili bëhet qebapi, transmeton AP.

Por, Gjermania pretendon se kjo do të krijonte pengesa të mëdha burokratike dhe do të rriste çmimin e pjatës popullore.

Duke qenë se tema e kostos së jetesës shqetëson votuesit përpara zgjedhjeve vendimtare rajonale të shtatorit në Gjermani, Berlini zyrtar vuri veton ndaj kërkesës së Turqisë.(INA)