Gjyqtarët shqiptarë sot gjykojnë ndeshjen më interesante në UEFA Conference League

Sonte zhvillohet ndeshja mes Ajaxit dhe Aston Villas, e vlefshme për 1/8 e finales në UEFA Conference League.

Këtë takim do ta gjykojnë gjyqtarët nga Shqipëria dhe padyshim se është takimi më interesant i këtij raundi, shkruan Indeksonline

Gjyqtari kryesor për këtë duel do të jetë Enea Jorgji, me dy asistentët: Denis Rexha dhe Ridiger Çokaj. Gjyqtari i katërt do të jetë Eldorjan Hamiti, kurse në VAR, Luca Pairetto dhe Aleandro Di Paolo (nga Italia).

Takimi i parë mes Ajaxit dhe Aston Villas zhvillohet nga ora 18 e 45 në stadiumin “Johan Cruijff Arena”.

Kujtojmë që te skuadra nga Holanda luan portieri shqiptar, Diant Ramaj.