Përballja me Spanjën “jetë a vdekje” për Shqipërinë

Sonte me fillim nga ora 21:00, kombëtarja e Shqipërisë do ta zhvillojë ndeshjen vendimtare kundër Spanjës.

Fitorja e mbrëmshme e Hungarisë kundër Skocisë, i ka prishur goxha punë “kuqezinjve” që kualifikimin tutje ta kërkojnë përmes një barazimi.

Tani e vetmja zgjidhje për skuadrën e Sylvinhos, mbetet fitorja, pra tri pikë të plota.

Aktualisht, Shqipëria i ka vetëm një pikë nga dy ndeshjet paraprake, duke e bërë të vështirë kualifikimin përmes vendit të tretë.

Për momentin, kombëtaret që mund ta kërkojnë plasimin tutje për në “EURO 2024”, nga vendi i tretë janë: Austria, Sllovakia, Hungaria dhe Sllovenia.

Shqipëria dje i zhvilloi përgatitjet e fundit për ndeshjen kundër Spanjës.

Në konferenë për media, trajneri Sylvinho dhe kapiteni Berat Gjimshiti, u shprehën të bindur për këtë ndeshje.

Të dy thanë se skuadra do të bëjë më të mirën për të kaluar tutje në kampionatin evropian.

Ndeshja Shqipëria – Spanja, luhet në “Merkur Spiel Arena” në Dusseldorf.