Ronaldo zbulon favoritët për Ligën e Kampionëve, veçon Manchester Cityn

Në Jan 19, 2024

FILE PHOTO: Soccer Football - Al Nassr unveil new signing Cristiano Ronaldo - Mrsool Park, Riyadh, Saudi Arabia - January 3, 2023 New Al Nassr signing Cristiano Ronaldo during his presentation REUTERS/Ahmed Yosri

Cristiano Ronaldo beson se Manchester City ka shanse të mira për të mbrojtur titullin e fituar sezonin e fundit në Ligën e Kampionëve.

Ylli portugez përgëzoi klubin anglez për arritjet në sezonin e kaluar. Man City fitoi tripletën historike; Premierligën, Ligën e Kampionëve e Kupën FA.

“Manchester City bëri mrekulli. Urime për sezonin e tyre. Lojtarët, trajnerin. E shkëlqyeshme…Më në fund ata fituan Ligën e Kampionëve, ndoshta e merituan dy vjet më parë. Më pëlqen t’i shoh duke luajtur”, tha fillimisht ai në gala mbremjën “Global Soccer Awards”.

“Manchester City ka shanse të mira për të fituar sërish Ligën e Kampionëve”, shtoi Ronaldo, i cili pastaj zbuloi edhe favoritët për t’u shpallur kampionë në Evropë.

Sipas 38-vjeçarit, përveç Manchester City, favoritë janë edhe Real Madridi e Bayern Munichi.

“Favoritët? Man City, Real Madrid, Bayern…”, deklaroi Ronaldo