Bonucci është zyrtarisht lojtar i Fenerbahces
Fenerbahçe ka shtuar në skuadrën e saj mbrojtësin 36-vjeçar me përvojë Leonardo Bonuccin.
Në deklaratën e klubit turk thuhet: “Klubi ynë ka shtuar në skuadër mbrojtësin italian Leonardo Bonucci. Mbrojtësi me përvojë do të veshë fanellën e Fenerbahçes deri në fund të sezonit 2023-2024.
Bonucci u emërua në skuadrën e sezonit të Ligës së Kampionëve në sezonet 2013-14 dhe 2017-18 dhe ishte në skuadrën e vitit në Serie A katër herë.
Ai u emërua futbollisti i vitit në Serie A në 2016 dhe u përfshi gjithashtu në ekipin e vitit të UEFA-s në të njëjtin sezon.
Në vitin 2017, mbrojtësi italian ishte edhe në formacionin FIFA FIFPro World11 dhe IFFHS, si dhe ekipin e sezonit të Ligës së Kampionëve 2016-17 dhe Ekipin e Vitit ESM 2016-17.
Bonucci ka luajtur 610 ndeshje gjatë karrierës së tij në klub dhe në kombëtare dhe ka shënuar 45 gola.