Apple pritet së shpejti të konfirmojë datën e daljes në treg të kufjeve Apple Vision Pro

Ndërsa kufjet Apple Vision Pro pritet të dalin në treg muajin e ardhshëm, kompania ende nuk e ka konfirmuar datën.

Sipas Mark Gurman të Bloomberg, brenda javës së ardhshme pritet të ketë një njoftim zyrtar nga Apple, kohë kjo e cila përkon me eventin më të madh teknologjik, CES.

Bëhet e ditur se, kufjet tashmë kanë filluar të dërgohen në magazinat e SHBA-së në një shkallë të vogël.

Ndryshe, Gurman raporton se një takim tre-orësh është planifikuar për të gjithë punonjësit në dyqanet e Apple në të gjithë SHBA-në më 21 janar, në lidhje me produktin e ri.

Rajonet tjera, përfshirë Kinën, Kanadanë, dhe Britaninë e Madhe, mund të jenë të radhës.