Bitcoin arrin në mbi 50,000 dollarë – për herë të parë në më shumë se dy vjet

Bitcoin ka arritur vlerën në 50,000 dollarë të hënën për herë të parë në më shumë se dy vjet.

Sipas mediave të huaja, tokeni arriti një rekord prej 50,334 dollarë të hënën.

Me këtë, ai ka bërë një rritje afërsisht 15% që nga fillimi i vitit dhe ka shënuar nivelin më të lartë që nga dhjetori i vitit 2021.
Javën e kaluar, bitcoin arriti nivelin më të lartë të vitit 2024 në 47,565 dollarë, dhe rikthimi i tij i papritur pas disa javësh “tregtimi të dobët” pas miratimit të ETF-ve, e kthen monedhën në rrugën e duhur për të arritur në 100,000 dollarë deri në fund të vitit, sipas analistëve në Standard Chartered.
Bitcoin pësoi një rënie të madhe menjëherë pasi arriti çmimin e tij të lartë të të gjitha kohërave prej 69,000 dollarë në nëntor të vitit 2021.

Tokeni kryesor i kriptovalutës nuk ishte tregtuar mbi 50,000 dollarë që nga dhjetori i atij viti.

Industria u trondit nga i ashtuquajturi “dimër kripto” në vitin 2022, me bitcoin që ra me 64% pasi rritja e normave të interesit bëri që disa investitorë të braktisnin zotërimet e tyre të kriptove në favor të opsioneve më pak të rrezikshme.