Google prezanton veçorinë e re për aplikacionin Google Calendar

Ndërsa Google Calendar mund të mos jetë aplikacioni më i mirë, ai është padyshim një nga më të përdorshmit.

Shumë prej përdoruesve të tij mbështeten në aplikacion për të kujtuar ditëlindjet dhe duket se Google po e bën veçorinë edhe më të lehtë.

Brenda përditësimit më të fundit të Google Calendar fshihet një buton i ri “Birthday” që e thjeshton procesin, shkruajnë mediat e huaja, përcjell Telegrafi.

Ky buton e eliminon nevojën për rregullime manuale.

Veçoria gjithashtu duket se i inkurajon përdoruesit të shtojnë më shumë ditëlindje, duke siguruar që ata të mos humbasin kurrë një ditë të veçantë.

Megjithatë, është e rëndësishme të theksohet se ky funksion nuk është ende aktiv dhe mbetet e paqartë se kur Google do ta shpërndajë atë zyrtarisht.