Mbappe i dha lamtumirën PSG-së me darkë në një restorant luksoz, i pranishëm ishte edhe presidenti i Francës

Në May 21, 2024

Kylian Mbappe organizoi mbrëmjen e së hënës një darkë lamtumire në një restorant në Paris ku morën pjesë 250 të ftuar, mes të cilëve edhe presidenti i Francës, Emmanuel Macron.

Sulmuesi francez donte t’u thoshte lamtumirë të gjithë miqve të tij përpara se të largohej zyrtarisht nga Paris Saint Germain pas përfundimit të kontratës së tij.

Ai me shumë gjasa do të vazhdojë karrierën në radhët e Real Madridit, ku arrin si lojtar i lirë dhe do të përfaqësojë një përforcim të madh për Mbretërit.

Shokët dhe stafi i PSG-së, të shoqëruar nga familjet dhe njerëzit e tyre të dashur, si dhe miqtë personalë të lojtarit si dhe futbollistë të tjerë, morën pjesë në lamtumirën e Mbappes me PSG-në pas shtatë sezonesh.

Ndeshja e tij e fundit për Paris Saint Germain do të jetë më 25 maj në Lille në finalen e Coupe de France kundër Lyon, që do të jetë ndeshja e tij e 264-të për Saints.

“Këtu jemi si familje, të gjithë që jemi këtu konsideroheni familje. Ka vetëm njerëz të dashur, do të jetë e lehtë të flas, do të jetë e lehtë të hap zemrën time, nuk ka mesazh për të humbur, ka nuk ka paqartësi të mundshme, dua t’ju falënderoj nga thellësia e zemrës sime dhe të gjithë ju që jeni këtu, sepse keni pasur ndikim tek unë”, ka thënë Mbappe.

https://x.com/i/status/1792676752965148697