Granit Xhaka, lojtari i dytë në botë me më shumë ndikim në lojë!
Vështirë se ndonjë futbollist tjetër është dominues sa Granit Xhaka këtë sezon, ku mesfushori i Bayer Leverkusen u kthye në ‘motorin’në suksesin e klubit të Bundesligës. Por arritjet e tij shkojnë përtej Gjermanisë, pasi sipas CIES, kapiteni i Zvicrës është një nga lojtarët më me ndikim në botë në sezonin 2023/24.
Për llogaritjen janë marrë në konsideratë paraqitjet e lojtarëve në gjashtë fusha të ndryshme të lojës. Këto janë: duelet, shpërndarja e topit, driblimi, krijimi i rasteve, finalizimi dhe duelet në ajër.
Në renditje ndikojnë edhe minutat e luajtura në kampionat dhe rezultatet e ekipit. Në krahasim me 54 liga të ndryshme në mbarë botën, Xhaka ka vlerën e dytë më të mirë nga të gjithë lojtarët me 92.3. Vetëm Rodri me 98.5 nga Manchester City e kalon mesfushorin shqiptar.
Në një kategori, megjithatë, Xhaka është absolutisht I paprekshëm. Motori i mesfushës është shpërndarësi më i mirë i topit. Pasimet që dhurohen në të tretën e fundit llogariten. Së bashku me yllin e Real Madridit, Toni Kroos, ai është në krye të kësaj kategorie.
Krahasuar me Bundesligën, askush nuk mund ta mposhtë motorin e mesfushës kur bëhet fjalë për ndikimin. Vetëm shoku i skuadrës Florian Virtz me një vlerë prej 89.2 i afrohet Xhakës.